Thalapathy Vijay and Sangeeta 27 ವರ್ಷದ ದಾಂಪತ್ಯಕ್ಕೆ ಅಂತ್ಯ? ವಿಚ್ಛೇದನ ಅರ್ಜಿ ಸಲ್ಲಿಕೆ ವರದಿ ಶಾಕ್
ಚೆನ್ನೈ: ತಮಿಳು ಚಿತ್ರರಂಗದ ಸೂಪರ್ಸ್ಟಾರ್ ತಳಪತಿ ವಿಜಯ್ ಅವರ ಪತ್ನಿ ಸಂಗೀತಾ ವಿಚ್ಛೇದನ ಕೋರಿ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿರುವ ವರದಿ ತಮಿಳುನಾಡು ಮಾತ್ರವಲ್ಲ ಇಡೀ ದೇಶದ ಮನರಂಜನಾ ಲೋಕದಲ್ಲಿ ಭಾರಿ ಸಂಚಲನ ಮೂಡಿಸಿದೆ. ಸಿನಿಮಾ ರಂಗ ಮತ್ತು ರಾಜಕೀಯ ಎರಡರಲ್ಲೂ ಏರುತ್ತಿರುವ ವಿಜಯ್ಗೆ ಈ ಸುದ್ದಿ ಅಭಿಮಾನಿಗಳಿಗೆ ತೀವ್ರ ಆಘಾತ ನೀಡಿದೆ.
ವಿಜಯ್ ಮತ್ತು ಸಂಗೀತಾ 1995 ರ ಆಗಸ್ಟ್ 25ರಂದು ವಿವಾಹವಾಗಿ ಸುದೀರ್ಘ 27 ವರ್ಷಗಳ ಕಾಲ ದಾಂಪತ್ಯ ನಡೆಸಿದ್ದಾರೆ. ಶ್ರೀಲಂಕಾ ತಮಿಳು ಮೂಲದ ಸಂಗೀತಾ 1996ರಲ್ಲಿ ಚೆನ್ನೈಗೆ ಬಂದಿದ್ದಾಗ ವಿಜಯ್ ಅವರ ದೊಡ್ಡ ಅಭಿಮಾನಿಯಾಗಿ ಭೇಟಿಯಾಗಿದ್ದ ಅವರು, ಸ್ನೇಹ-ಪ್ರೀತಿ ಮೂಲಕ ಇಬ್ಬರ ಮನೆಯವರ ಒಪ್ಪಿಗೆಯೊಂದಿಗೆ ಮದುವೆಯಾದರು. ಈ ದಂಪತಿಗೆ ಮಗ ಸಂಜಯ್ ಮತ್ತು ಮಗಳು ದಿವ್ಯಾ ಸಾಶಾ ಇದ್ದಾರೆ.
ತಮಿಳಿಗ ವೆಟ್ರಿ ಕಳಗಂ ಪಕ್ಷ ಕಟ್ಟಿ ಮುಂಬರುವ ವಿಧಾನಸಭಾ ಚುನಾವಣೆಗೆ ಸಿದ್ಧತೆ ನಡೆಸುತ್ತಿರುವ ವಿಜಯ್ಗೆ ಇದೇ ಸಮಯದಲ್ಲಿ ಬಂದ ವಿಚ್ಛೇದನ ಸುದ್ದಿ ರಾಜಕೀಯ ವಿಶ್ಲೇಷಕರ ಗಮನ ಸೆಳೆದಿದೆ. ಕೆಲ ತಿಂಗಳ ಹಿಂದೆ ಕಡಲೂರಿನ ಜ್ಯೋತಿಷಿಯೊಬ್ಬರು ವಿಜಯ್ ಪತ್ನಿಯಿಂದ ದೂರ ಇದ್ದರೆ ರಾಜಕೀಯ ಯಶಸ್ಸು ಲಭ್ಯವಾಗಲಿದ್ದು ಮುಖ್ಯಮಂತ್ರಿ ಪಟ್ಟವೂ ದೊರೆಯಬಹುದು ಎಂದು ನೀಡಿದ್ದ ಭವಿಷ್ಯ ಈಗ ಮತ್ತೆ ಚರ್ಚೆಗೆ ಬಂದಿದೆ. ಆದರೆ ಇದು ಕೇವಲ ಊಹಾಪೋಹ ಎಂದು ತಿಳಿದವರು ಹೇಳುತ್ತಿದ್ದಾರೆ.
ವಿಚ್ಛೇದನ ಸುದ್ದಿ ಹೊರಬಿದ್ದ ತಕ್ಷಣ ನಟಿ ತ್ರಿಷಾ ಹೆಸರು ಮತ್ತೆ ಚರ್ಚೆಗೆ ಬಂದಿದ್ದು, ವಿಜಯ್ ಮತ್ತು ತ್ರಿಷಾ ನಡುವಿನ ಸ್ನೇಹ ಸಂಬಂಧದ ಹಳೆ ವದಂತಿಗಳು ಮತ್ತೆ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಆದರೆ ಇವು ದೃಢಪಡದ ವದಂತಿಗಳು ಎಂಬುದನ್ನು ಗಮನಿಸಬೇಕು. ವಿಜಯ್ ಅಥವಾ ಸಂಗೀತಾ ಯಾರೂ ಇದುವರೆಗೆ ಅಧಿಕೃತ ಹೇಳಿಕೆ ನೀಡಿಲ್ಲ.
ಅಭಿಮಾನಿಗಳು ಈ ಸುದ್ದಿ ನಂಬಲು ಸಿದ್ಧರಿಲ್ಲ. ಸಾಮಾಜಿಕ ಜಾಲತಾಣಗಳಲ್ಲಿ ವಿಜಯ್ ಅಭಿಮಾನಿಗಳು ತಮ್ಮ ನೆಚ್ಚಿನ ನಟನ ಕುಟುಂಬ ಒಟ್ಟಿಗೆ ಇರಲಿ ಎಂದು ಹಾರೈಸುತ್ತಿದ್ದಾರೆ. ವಿಚ್ಛೇದನ ಪ್ರಕ್ರಿಯೆ ಮತ್ತು ಅದರ ಅಂತಿಮ ಫಲಿತಾಂಶ ಇನ್ನೂ ನ್ಯಾಯಾಲಯದ ಪರಿಶೀಲನೆಯಲ್ಲಿದ್ದು ಅಧಿಕೃತ ಮಾಹಿತಿ ಬರುವವರೆಗೆ ಕಾಯಬೇಕಾಗಿದೆ.
