ಖಮೇನಿ ಹತ್ಯೆ ಬೆನ್ನಲ್ಲೇ ‘ಸರ್ವೈವಲ್ ಮೋಡ್’ ಪ್ರವೇಶಿಸಿದ ಇರಾನ್ — IRGC ಮೇಲ್ಕೈ, ಪರಮಾಣು ಭೀತಿ, ಉತ್ತರಾಧಿಕಾರ ಪ್ರಶ್ನೆ
ಟೆಹ್ರಾನ್: ಇರಾನ್ ಸರ್ವೋಚ್ಚ ನಾಯಕ ಆಯತೊಲ್ಲಾ ಅಲಿ ಖಮೇನಿ (86) ಅಮೆರಿಕ-ಇಸ್ರೇಲ್ ಜಂಟಿ ದಾಳಿಯಲ್ಲಿ ಹತರಾದ ಕೆಲ ಗಂಟೆಗಳ ಒಳಗೆ ಇರಾನ್ ಸರ್ಕಾರ ಸಂಘಟಿತ “Survival Mode” ಪ್ರವೇಶಿಸಿತು. ಸಂಘರ್ಷ ಮಧ್ಯದಲ್ಲಿ ದೇಶ ನಾಯಕ ಕಳೆದುಕೊಂಡ ಇತಿಹಾಸದ ಅಪರೂಪದ ಘಟನೆ ಇದಾಗಿದ್ದು, ಇರಾನ್ ಸರ್ಕಾರ ಅನಿರೀಕ್ಷಿತ ಪರಿಸ್ಥಿತಿಯಲ್ಲೂ ತ್ವರಿತ ಕ್ರಿಯೆ ತೋರಿದೆ.
ಇರಾನ್ ಸಂವಿಧಾನದ ಪ್ರಕಾರ ಅಧ್ಯಕ್ಷ ಮಾಸೌದ್ ಪೆಝೇಶ್ಕಿಯಾನ್, ನ್ಯಾಯಾಂಗ ಮುಖ್ಯಸ್ಥರು ಮತ್ತು ಗಾರ್ಡಿಯನ್ ಕೌನ್ಸಿಲ್ ಹಿರಿಯ ಮುಲ್ಲಾ ಆಯತೊಲ್ಲಾ ಅಲಿರೇಝಾ ಅರಾಫಿ ಒಳಗೊಂಡ ಮೂವರ ಮಧ್ಯಂತರ ಸಮಿತಿ ಆಡಳಿತ ಹಿಡಿದಿದೆ. ರಾಷ್ಟ್ರೀಯ ಭದ್ರತಾ ಮಂಡಳಿ ಕಾರ್ಯದರ್ಶಿ ಅಲಿ ಲರಿಜಾನಿ ಈ ವ್ಯವಸ್ಥೆ ಅಧಿಕೃತವಾಗಿ ಘೋಷಿಸಿದ್ದಾರೆ. ಯುರೋಪಿಯನ್ ಕೌನ್ಸಿಲ್ ಆನ್ ಫಾರಿನ್ ರಿಲೇಷನ್ಸ್ನ ಹಿರಿಯ ತಜ್ಞೆ ಎಲ್ಲಿ ಗೆರಾನ್ಮಾಯೆ “ಇರಾನ್ ಸಾಂಪ್ರದಾಯಿಕ ಸೇನೆ ಮತ್ತು IRGC ಐಕ್ಯವಾಗಿ ಹೋರಾಡಲು ಸಿದ್ಧ” ಎಂದು ಸ್ಪಷ್ಟಪಡಿಸಿದ್ದಾರೆ.
ಟೆಹ್ರಾನ್ ಸೇರಿ ಇರಾನ್ ನಗರಗಳಲ್ಲಿ ಭದ್ರತೆ ತೀವ್ರಗೊಂಡಿದ್ದು IRGC ಪ್ಯಾರಾಮಿಲಿಟರಿ ಸದಸ್ಯರು ಮತ್ತು ಶಸ್ತ್ರಸಜ್ಜಿತ ಪೊಲೀಸ್ ಬೀದಿಗಿಳಿದಿದ್ದಾರೆ. ಇರಾನ್ನ ಕೆಲ ಭಾಗಗಳಲ್ಲಿ ನಾಗರಿಕರು ಖಮೇನಿ ಮೃತ್ಯು ಸಂಭ್ರಮಿಸಿದ ಘಟನೆ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದೆ. ಆದರೆ ಅಮೆರಿಕ ಅಧ್ಯಕ್ಷ ಟ್ರಂಪ್ “ನಿಮ್ಮ ದೇಶ ವಾಪಸ್ ಪಡೆಯಿರಿ” ಎಂದು ಕರೆ ನೀಡಿದ್ದರೂ ಸಂಘಟಿತ ಆಂದೋಲನ ಇನ್ನೂ ಕಾಣಿಸಿಲ್ಲ ಎಂದು Georgetown University ತಜ್ಞ ಮೆಹ್ರಾನ್ ಕಾಮ್ರಾ ಹೇಳಿದ್ದಾರೆ.
ಇರಾನ್ ಭವಿಷ್ಯದ ಅತ್ಯಂತ ಮಹತ್ವದ ಪ್ರಶ್ನೆ — ಪರಮಾಣು ನೀತಿ. ಖಮೇನಿ ಎರಡು ದಶಕ ಮೊದಲೇ ಪರಮಾಣು ಅಸ್ತ್ರ ನಿರ್ಮಿಸದಿರಲು ಧಾರ್ಮಿಕ ತೀರ್ಪು (Fatwa) ನೀಡಿದ್ದರು. ಆ Fatwa ಇಂದು ಮುಗಿದಿದ್ದು, ಲರಿಜಾನಿ ಹಿಂದೆ “ಇರಾನ್ ಮೇಲೆ ಒತ್ತಡ ಬಂದರೆ ಪರಮಾಣು ನೀತಿ ಬದಲಿಸಬಹುದು” ಎಂದು ಸ್ಪಷ್ಟ ಸೂಚನೆ ನೀಡಿದ್ದರು. ಉತ್ತರಾಧಿಕಾರ ವಿಷಯದಲ್ಲಿ ಖಮೇನಿ ಎರಡನೇ ಮಗ ಮೊಜ್ತಬಾ ಖಮೇನಿ ಹೆಸರು ಮುಂಚೂಣಿಯಲ್ಲಿದ್ದು ತಜ್ಞರ ಸಭೆ (Assembly of Experts) ಶೀಘ್ರ ಸೇರಲಿದೆ.
